Raste Ki Chudail , Chudail Ki Kahani.
Bahut din pahle ki
baat hain. Us waqt main tekpura me kaam kiya karta tha. Wo ek chhota sa ilaka
tha. Us ilake me sirf ek hi factory tha. Wo bhi sariya ka. Main wahan par
majduri karta tha. Mere sath aur bhi bahut se log the. Jo waha par majduri
karte the. Main bihar se gaya hua tha.
Mere sath ek ladka
aur tha jo bihar se aaya tha. Main bahut dino tak waha par kaam kiya. Apne liye
ek kiraye ka ghar bhi le rakha tha. Pahle main apna family le kar waha rahta
tha. Par main apne family ko apne ghar Bihar pahucha chuka tha. Bahut dino tak
main factory ke andar bane hue jhopdi me bhi raha. Par jab mai kiraye ka ghar
liya tha. Ye baat us samay ki hain. Mera dost bhi ek kiraye ka ghar me rahta
tha. Main jis jagah par kaam karta tha. Wo bahut hi bada shahar nahi hain.
Ek chhota sa gaon
hain. Jaha par sirf ek hi factory hain. Wo bhi sariya banane ka. Waha ke log
bahut hi achchhe hain. Company me jayadatar wahi ke local log kaam karte hain.
Par kuchh technician hain. Jo bahar se aaye hue hain. Main aur mera dost gaon
me hi kiraye ka ghar liye hue the. Par uske ghar se mere ghar tak ki duri
lagbhag do kilometer thi.
Ek baar ki baat
hain. Ham dono mil kar daru pine ka plan banaye. Maine us se kaha ki aaj raat
me daru piya jayega. Wo bhi raji ho gaya. Mera duty tha is liye maine use paise
diye aur kaha ki saman le lena. Daru aur murga ka paisa maine use diya. Wo daru
aur murga le kar aata aur use bana kar rakhta. Wo us din duty nahi aaya. Daru
ka intejam karne laga aur murga le kar aaya. Raat ke samay daru pine ka plan
tha. Jis wajah se main duty gaya hua tha. Mujhe duty se wapas aane me der ho
gaya. Main raat ke nau baje duty se wapas aaya.
Apne kiraye ke
makan me pahucha aur naha kar apne dost ke ghar jana chaha. Jaha par ja kar
mujhe daru pina tha. Main thoda jyaldibaji me tha. Par raat ke das baj gaye.
Main apne ghar me tala laga kar apne dost ke ghar chal diya. Mujhe paidal hi
jana tha. Kyu ki mere paas bike nahi tha. Main paidal apne dost ke Ghar chala
diya. Par abhi aadha hi duri tay kiya tha ki maine dekha ki raste me bahut se
bhais khade hain.
Unki tadad itni
jyada thi ki pura ka pura rasta hi band ho chuka tha. Main apne dhun me chala
ja raha tha. Par aage bahut si bhais khade the. Main us jagah bhi pahuch gaya.
Jab us jagah pahucha to dekha ki bhais apne jagah se nahi hat rahi hain. Maine
un bhaiso ko hatane ki koshish karne laga. Thoda der tak to aawaj de kar bahis
ko hata raha tha.
Par jab nahi hati
to mai koi danda ya chhari khojne laga. Mujhe wahi rasta me pada hua ek chhari
mila. Main ab chhari utha kar bhais ko rasta se hatane laga. Jab main chhari se
bahis ke upar marta to ek do bhais harak kar rasta ke bagal me chale jati. Isi
tarah main bhais ko rasta ke kinare kar raha tha. Main dhire dhire aage ki
taraf bhi badh raha tha. Kyu ki mujhe apne dost ke ghar daru pine jana tha.
Main bhais ko hatate hue. Aadhi duri tak pahucha. Jaise hi main un bhaiso ke
bicho bich pahucha. Ki maine dekha ek aurat jo ki shadi ka jora pahne hue.
Bhaiso ke bich
baithi hui hain. Main uske paas tak pahuch chuka tha. Wo aurat bhi bhaiso ke
bich baithi hui thi. Bhaiso ne use charo taraf se gher rakha tha. Jis karan wo
mujhe dikhai nahi di thi. Us aurat ko dekh kar main soch me pad gaya ki itni
raat gaye is sunsaan jagah par ek aurat. Wo bhi shadi ka joda pahan kar kyu
baithi hui hain.
Main abhi uske
paas jata aur us puchhta us se pahle hi wo apne jagah par khadi ho gai. Wo sar
ko jhuka kar baithi hui thi. Par jaise hi apne sar ko upar uthai main use
dekhte hi darr gaya. Kyu ki jitna sundar uska kapda tha. Us se kahi jyada
badsurat uska chehra tha. Wo hakikat me raste ki chudail thi. Main use dekhte
hi samajh gaya ki ye koi aurat nahi. Balki ek chudail hain. Uska chehra bahut
hi bhayanak tha.
Bilkul kala chehra
aur us par uske safed aankhen. Jo ki andhere me bulb ki tarah chamak rahi thi.
Raste ki chudail apne jagah par khadi ho kar mujhe lagatar dekh rahi thi. Darr
aur ghabrahat se mera haal bahut hi bura ho chuka tha. Kyu ki ab bhi main un
bhaiso ke bich khada tha. Jahan par bahut se bhais the. Main bhaiso se puri
tarah ghir chuka tha. Ab wo raste ki chudail dhire dhire kar ke mere taraf badh
rahi thi. Main kisi tarah waha se bhag jana chah raha tha.
Par charo taraf
bhais hi bhais the. Main kisi tarah bhais ke pairo ke niche se nikla aur waha
se bhagna chaha. Par ye mere liye itna aasan nahi tha. Jaise taise main waha se
bahar nikla. Jab mai kisi tarah waha se bahar nikla to raste ki chudail bhi
mere paas aa chuki thi. Wo mujhe marna chah rahi thi. Main bahut hi zakhmi bhi
ho chuka tha. Par maine housla nahi hara aur waha se bhagna shuru kiya.
Bhagte bhagte apne
ghar pahucha aur darwaja band kar ke sochne laga. Ki kya wo hakikat me raste ki
chudail thi. Ya kuchh aur. Par hakikat me wo raste ki chudail hi thi. Kyu ki
aaj tak maine gaon me kabhi bhi utne bhais nahi dekha tha. Waise bhi raat ke
samay koun apna bhais khula chhod sakta hain.
