Khoon Ki Pyasi Chudail - Chudail Ki Kahani.
Baat bahut pahle ki hain. Kisi gaon me do dost raha karte the. Ek ka naam anil aur dusre ka kapil naam tha.
Dono bahut hi gahre dost the.
Par ek khoon ki pyasi chudail ne dono doston ko hamesha ke liye dur kar diya. Khoon ki pyasi chudail. Jo bahut hi bhayanak thi. Koi nahi janta tha ki khoon ki pyasi chudail yaha par rahti hain.
Kisi ne to us chudail ko dekha tak nahi tha. Anil aur kapil bhi nahi jante the ki din aisa bhi aayega. Log bhoot pret jaisi takat par bishwash kare ya na kare.
Shaitan ka kaam hi kisi indaan ko bhatka kar galat raste me le jane ka hota hain.Shaitan ka kaam sirf aur sirf chhal karna hi hota hain. Apne chhal se hi shaitan mashur hain.
Kisi ko bhi mithi mithi baaton me phasa kar apne bas me kar lena. Anil aur kapil do dost the. Jis me se kapil ko khoon ki pyasi chudail ne maar dala. Kapil anil ka dost tha. Ek roj ki baat hain.
Kapil ke ghar ke sabhi log kahi gaye hue the. Shayad kisi apne ristedar ke yaha. Kapil ka ghar khali tha. Waha par koi bhi nahi tha. Sirf kapil hi ghar par tha. Anil uska sab se pyara dost tha. Kapil aur anil dono daru pite the. Isliye kapil ne ek plan banaya ki aaj raat me wo apne dost ko bula kar yaha par daru piyega.
Usne anil se kaha ki aaj raat me mere ghar aana. Dono dost murga khayenge aur daru piyenge. Anil daru pita tha aur janta tha ki kapil ka ghar khali hain. Waha koi bhi nahi hain. Wo tayyar ho gaya. Dono dost daru pine ka plan bana liye. Raat ka samay thik hua jab daru piya jayega.
Anil socha ki raat ke samay daru piyenge. Waise bhi koi bolne wala nahi rahega. Dono dost aaram se daru pi lenge. Anil aur kapil ab daru pine ka plan bana chuke the. Anil ka ghar kapil ke ghar se jyada dur nahi tha. Jab raat hua to anil kapil ke ghar chal diya. Raat bhi bahut ho chuki thi.
Raat ka kariban das bhi baj chuka tha. Utni raat ko anil paidal hi kapil ke ghar chal diya. Abhi adha rasta hi tay kiya tha ki use ek chaurahe se mud kar kapil ke ghar jana tha. Jaise hi wo us chaurahe ke paas pahucha. To dekha ki ek aurat jo ki bilkul safed rang ka saadi pahne hue hain.
Wo chaurahe ke kinare khadi hain. Chaurahe ke kinare hi ek purana neem ka ped tha. Bas wo aurat usi neem ke ped ke paas khadi thi. Anil ko chaurahe se hote hue kapil ke ghar jana tha. Jab wo us aurat ke paas pahucha aur use samne se dekha to uske hosh hi udd gaye. Usne dekha ki jo aurat chaurahe ke paas safed rang ka saadi pahne hue khadi hain.
Wo bahut hi bhayanak dikh rahi hain. Pura kala chehra aur us par safed aankhe. Jo chamak raha tha. Us aurat ke haath ke panje bhi bahut bhayanak the. Lambe lambe nakhun. Anil us aurat ko dekhte hi bahut darr gaya. Chudail bhi anil ke taraf dekhe ja rahi thi. Anil us chudail ke samne tha aur use dekh sakta tha.
Wo puri tarah se darr bhi chuka tha. Aisa laga ki ab chudail uske taraf hamla karegi. Ye soch kar anil waha se daurna shuru kar diya. Sidhe daurte hue apne dost kapil ke ghar aa gaya. Jab kapil ke ghar pahucha tab hi use jaan me jaan aaya. Kapil apne dost ko ghabraye hue dekha to puchh baitha. Ki yaar tum itne dare hue kyu ho.
To anil bola ki aaj maine chaurahe ke paas ek chudail ko dekha. Khoon ki pyasi chudail. Jo mujhe marna chah rahi thi. Nahi pata kitni baar raat ke samay us chaurahe ke samne se gujra hoon. Par kabhi bhi kisi chudail ko nahi dekha. Par aaj raat ko maine use churahe ke paas jo neem ka ped hain. Waha par dekha hoon.
Anil ki baat sun kar kapil bola ki yaar tum bhi kaise insaan ho. Jo ke yug me bhoot pret par bishwash karte ho bhoot pret hote thodi hi na hain. Ye to sirf insaan ke andar ka bhram matr hain. Par anil apni baat par adaa hua tha. Kapil use bahut samjhane ki koshish kar raha tha. Kapil daru ka bottle le kar aaya aur bola ki chal yaar ab daru piya jaye. Dono daru pine lage aur murga khane lage.
Par anil ke andar to darr sama gaya tha. Use daru ka nasha chahar hi nahi raha tha. Par kapil daru pi kar nashe me aa chuka tha. Dono bahut der tak daru piye. Ab anil ko wapas apne ghar jana tha. Kapil bola ki chal tujhe main ghar tak chhod aata hoon. Par anil bola ki rahne do aaj main tumhare ghar par hi so jata hoon. Kal subah apne ghar chala jaunga.
Par kapil jidd karne laga ki main tumhe tumhare ghar tak chhod kar rahunga. Anil to dara hua tha. Lekin kapil bhoot pret ya chudail jaisi takat par bishwash nahi karta tha. Usne kaha ki main in sabhi chijo par bishwash nahi karta hoon. Ye to sirf insaan ka waham matr hota hain. Kapil bahut jidd karne laga ki wo anil ko uske ghar tak chhod kar hi aayega. Kapil apna bike nikala uar anil ko baitha kar chal diya.
Jab we us chaurahe ke paas pahuche to kapil waha par apna bike rok diya. Aur anil se bola ki tumne isi jagah par ek khoon ki pyasi chudail ko dekha tha. Dekh abhi yaha par koi bhi nahi hain. Agar koi rahta to jarur najar aata par yaha to koi bhi nahi hain. Kapil chilla chilla kar kahne laga. Ki khoon ki pyasi chudail agar tujh me dam hain. To mujh se ulajh kar dikhao.
Kapil aur anil dono daru piye hue the. Par anil nashe me nahi tha. Kapil ko daru chahar chuka tha. Wo us khoon ki pyasi chudail ko chunauti dene laga. Anil baar baar us se kahta ki yaar yaha se chala jaye. Par kapil kabhi neem ke ped ko laat marta to kabhi. Chudail ko samne aane ke liye bolta.
Anil uska haath pakad kar bola chal yaar yaha se chala jaye. Kapil apne haath chhodate hue bola. Ruk ja mujhe peshab laga hain. Kar lu to chalta hoon. Wo wahi par peshab kiya aur chudail se bola ki lo maine yaha par peshab bhi kar diya. Tumhe jo bigarna hain bigar kar dikha do. Kapil us raat bahut hi nashe me tha. Anil ko uske ghar tak chhod ka kapil bola ki ab mujhe chalna chahiye.
Anil bola ki aaj raat tum mere ghar ruk jao. Kal subah chale jana. Par kapil bola ki yaar tum bhi gajab ke darpok ho. Waha par dekha na koi bhi nahi hain. Waise bhi koi chudail mujh se daregi. Main kisi chudail se nahi darta hoon. Kapil bike ko ghumaya aur apne ghar ke taraf chal diya. Par jaise hi chaurahe ke paas pahucha. To aisa laga ki koi thanda hawa use chhu kar paar hua hain. Phir bhi andekha kar ke bike chala raha tha. Par phir laga ki uske pichhe koi baitha hua hain. Koi hain jiska hath uske kandhe par hain. Kapil apne bike ke shishe se dekha to tang rah gaye.
Ek aurat jo ki safed rang ka saadi pahne hue hain. Wo uske bike ke pichhe baithi hui hain. Safed aankhe. Ab kiya to kya kiya jaye. Uska nasha bhi puri tarah se phat chuka tha. Darr ka ehsaas hone laga. Par achanak se wo chudail waha se gayab ho kar raste ke aage aa gai. Kapil bike ko sambhal pata ki us se pahle bike puchhal kar gir chuka tha. Kapil ka ek pair toot kar bike me phas chuka tha. Kapil koshish kar ke apne pair ko bike ke andar se bahar ki taraf nikalne laga. Wo waha se bhag jana chah raha tha.
Par uska pair toot chuka tha. Khoon ki pyasi chudail wahi samne khadi thi. Jiska bhayanak chehra kapil dekh raha tha. Kapil kare to kya kare kuchh smajh nahi paa raha tha. Tabhi chudail ne kapil ka gardan pakad kar bike se bahar nikali. Aur boli ki tumne kya bola tha. Mujhe apmanit kiye. Aaj tak main kisi ka kuchh bhi nahi bigari hoon. Par tumne mujhe lalkar kar achchha nahi kiye. Kapil uske samne hath jor kar apna jaan ka bhikh mangne laga. Par khoon ki pyasi chudail ne kaha ki main tumhe chhod sakti thi.
Par tumne mere ghar me peshab kar ke mujhe bahut gussa dila diye ho. Main chah leti to usi waqt tumhe maar sakti thi. Par tumhara dost mujhe sarif laga. Par ab main tumhe nahi chhodungi. Kapil us khoon ki pyasi chudail ke samne minnate karta raha. Par wo nahi mani. Kapil ki chikh raat ke andhere me kahi kho gaya. Jab subah hua to pure basti me hangama ho gaya ki kapil. Mara gaya. Jab ye baat anil ko pata chala to bhi waha pahucha. Usne dekha ki kapil ki laash sadak ke bicho bich pada hua hain.
Aisa lag raha tha ki uski laash chhat bichhat ho chuka hain. Waha par bahut bhir laga hua tha. Log aapas me baaten bhi kar rahe the. Ki bahut jyada daru pi liya tha. Jis karan kisi badi gadi ke niche aa gaya. Par anil janta tha ki wo kaise mara. Wo gaon ka rasta tha aur waha par koi bhi badha gadi nahi aata tha. Ye koi accident nahi balki khoon ki pyasi chudail ka kaam hain.
